打开主菜单

粵語童謠是指流傳於使用粵語的地區的童謠

發展编辑

粵語童謠是由普羅大眾所創作,約定俗成,在傳唱過程中會出現不同的版本,但無人會規定哪個才是「權威」版本。[1]

隨著1949年大批移民抵達香港香港地區繼承了很多華南地區的童謠,如「月光光」、「賣懶」等。70年代末期,隨著日本卡通香港TVB電視台播放,以及社會的需求,大量新的粵語兒歌湧現,如小時候飄零燕等。

現狀编辑

由於受推廣普通話的影響,不少廣東的粵語童謠有消失的危險[2]。許多幼兒園教師不會粵語,只教普通話兒歌,導致小朋友不會唱粵語兒歌,對此,有專家建議將這些廣府文化編入教材。[3]

不過,也有一些童謠至今保持頑強的生命力,如「落雨大」:

該童謠不僅在廣東和廣西的粵語社群中有廣泛的流傳,更常被市民和媒體用於調侃城市的「水浸街」(內澇)問題[4],還在廣州亞運會開幕式出現過[5]

常見粵語童謠编辑

  • 月光光,照地堂;年卅晚,摘檳榔;檳榔香,嚼子薑;子薑辣,買蒲達[註 1];蒲達苦,買豬肚[註 2];豬肚肥,買牛皮;牛皮薄,買菱角;菱角尖,買馬鞭;馬鞭長,起屋樑;屋樑高,買張刀;刀切菜,買籮蓋;籮蓋圓,買條船;船浸底,浸親兩個番鬼仔[註 3];一個蒲頭[註 4],一個浸底[註 5];一個摸茨菇,一個摸馬蹄。
  • 月光光,照地堂,蝦仔[註 6]你乖乖[註 7]落床,聽朝[註 8]阿爹要捕魚蝦囉,阿嫲[註 9]織網要織到天光。
  • 點蟲蟲,蟲蟲飛,飛到荔枝基;荔枝熟,摘邊[註 10]buk9[註 11],邊buk9啖啖肉[註 12]
  • 點貓貓,貓婆竇,問你捉豬又捉牛?捉到黃牛三百兩,球揣球,開花點豉油。
  • 荔枝熟,摘滿屋;屋滿紅,伴住個細蚊公[註 13]
  • 排排坐,食粉果;豬拉柴,狗透火[註 14];貓兒擔凳[註 15]姑婆坐;坐埋一齊[註 16]唱支歌。
  • 凼凼轉[註 17],菊花園;炒米餅,糯米團;五月初五係龍舟節啊,亞媽佢叫我去睇龍船;我唔[註 18]唔去睇,要去睇雞仔;雞仔大,[註 19]去賣;賣咗[註 20]幾多錢?賣咗幾多隻啊?我買隻風車仔,佢[註 21]轉得好好睇[註 22],睇佢凼凼轉啊菊花園,睇佢凼凼轉啊凼凼轉啊轉。[註 23]
  • ABCD,大頭綠衣[註 24];捉人唔到,吹BB[註 25][註 26]
  • 落雨大,水浸街,阿哥擔柴上街賣,阿嫂出街着花鞋,花鞋花襪花腰帶,珍珠蝴蝶兩邊排。
  • 賣懶去,買精歸,賣左懶仔過新年,食過年飯好種田。
  • 賣懶,賣懶,賣到年三十晚,人懶我唔懶。
  • 細蚊仔,soe4[註 27]滑梯,因住[註 28]跌落嚟[註 29];咪[註 30]學陳德貴,成日[註 31]流鼻涕,跌親[註 32]籮柚[註 33]唔好睇。
  • 河邊有隻羊,羊邊有隻象,象邊有隻馬[註 34],好似你[註 35]
  • 咬蔗須,要睇毛,短毛輸,長毛贏,冇[註 36]毛唔算數。
  • [註 37]開柑,數柑核,邊個[註 38]核多就邊個贏,唔准手賴就縮骨[註 39]
  • 拍大[註 40],唱山歌,人人話我冇老婆,[註 41]起心肝娶翻個,有錢娶個嬌嬌女,冇錢娶個豆皮[註 42]婆,豆皮婆,食飯食得多,屙[註 43]屎屙兩籮,屙尿沖大海,屙屁打銅鑼。
  • 呈沉剪[註 44],呈沉包,呈沉糯米叉燒包。老鼠唔食香口膠,要食豆沙包。
  • [註 45][註 46][註 47]:一就預備,二就匿埋,三就開盤,四就嚟到,baang4[註 48]到算數。
  • 點指兵兵,點指賊賊,點著誰人做大兵,點著誰人做大賊。
  • [註 49]手指,要估中,邊個唔中,就唔中用,褲浪底[註 50]見個窿[註 51]
  • 騎牛牛,牛牛走,牛牛響[註 52]前咪回頭,若然[註 53]回頭就打籮柚[註 54]
  • 大眼雞[註 55],鹹魚頭,你屙尿,唔洗手。
  • 咕碌咕碌一,咕碌咕碌二,咕碌咕碌三,準備開炮打敵人!
  • 董存瑞,十八歲,為國犧牲炸堡壘,炸到堡壘ngok7 ngok7[註 56],全國人民流眼淚。
  • [註 57]銅仙,打銅錢,全憑眼界手出變,叮響銅錢畀[註 58]個仙[註 59]
  • 打泥炮,泥炮響,唔使摣[註 60]槍上戰場。
  • 折紙機,麻鷹飛,飛嚟飛去唔落地,麻鷹有條尾。
  • 咚啄,酸薑,你亞嫲,纏腳娘。
  • 趌跛跛[註 61],跳跳腳,咚咚咚,上跳下跳似麻雀。
  • 跛跛,跛蹄,冇米煮,煮泥沙,冇屋住,住樓梯,樓梯有只鬼,嚇到你gyun1[註 62]落床下底。
  • 伸長手,頂手掌,死人都要頂硬上[註 63],ji1牙baang6哨就[註 64]樣。
  • 劈友[註 65],劈友,快啲[註 66]走,走得快,好世界,走得[註 67],冇鼻哥[註 68]
  • 鬥遠掟[註 69]石頭,因住咪甩[註 70]手,石頭最冇眼,掟親唔好眼淚流。
  • 掟磚頭,鬥[註 71][註 72],一掟掟到西門口,濺起浪花拋浪頭。
  • 花手巾[註 73],真引人,基邊撈魚好過癮,一兜一條好手運,千祈[註 74]唔好[註 75]到你頭暈。
  • [註 76]塘mei1[註 77],塘mei1飛,飛到菜田基,田基有條蛇,嚇親你兩仔爺[註 78]
  • 煮飯仔仔先落米,風爐透火柴對齊,千祈唔好咁laa2 sai1,我系細蚊仔。
  • 一人騎膊馬[註 79],兩人騎豬乸[註 80],三步要埋頭,撞到面就打。
  • 紅辣椒,綠辣椒,平時你caak8/caat8[註 81]嘴miu2 miu2[註 82],今日你冇膽同我撩[註 83]
  • 鬼叫[註 84]你咁貪心,聞我個屁,[註 85]入個鼻,我要你賠翻二兩四。
  • mei6水[註 86]底,摸泥沙,摸到泥沙當金龜,摸唔到系契弟[註 87]
  • 陳德貴,住得矮,床下底有只鬼,嚇到gyun1臺底。
  • 一二三,三二一,肥婆跳舞頂第一!
  • 過天梯,haa1/hap7[註 88]矮仔,人在雲東過到西,唔怕米貴就最怕矮。
  • 黑面李逵,紅面關公,三國水滸亂saai3 lung4[註 89],打敗清兵系[註 90]英雄。
  • 打棋子,靠眼屎,全憑眼界靠本事,唔好睇錯認鳩屎[註 91]
  • 乞兒[註 92]仔,畫烏龜,一人一筆咪亂嚟,最後嗰[註 93]個正衰仔!
  • 大笨象,摣支槍,去打仗,打完仗,翻嚟食碗鹹酸薑。
  • 鋼盔個大頭佛,着鞋就唔着襪。
  • 有隻雀仔跌落水,跌落水,有隻雀仔跌落水,被水沖去。
  • 肥仔個頭,大過五層樓[註 94],肥仔隻手,細過荷蘭豆。[註 95]
  • 雞公仔,尾彎彎,做人新婦[註 96]甚艱難!早早起身都話晏,眼淚唔乾入下間,下間有個冬瓜仔,問安人老爺煮定蒸:安人又話煮,老爺又話蒸,蒸蒸煮煮唔中安人老爺意,大揸拉鹽又話淡,手甲挑鹽又話鹹,三朝打爛三條夾木棍,四朝跪爛四條裙!咁好花裙俾你跪爛,咁好石頭俾你跪崩!橫又難,直又難,不如捨命落陰間!人話陰間條路好,我話陰間條路好艱難![7]
  • 秋蟬喊,荔枝熟,阿婆喊,買豬肉。

註釋编辑

  1. ^ 蒲達:苦瓜。
  2. ^ “檳榔香,子薑;子姜辣,蒲達;蒲達苦,豬肚”又作“檳榔香,子薑;子姜辣,蒲達;蒲達苦,豬肚”。
  3. ^ 番鬼仔:洋人小孩子。
  4. ^ 蒲頭:露出水面。
  5. ^ 浸底:在水面下。
  6. ^ 蝦仔:廣州人對嬰兒或小朋友的愛稱。
  7. ^ (fan3西關口音讀han3):睡。
  8. ^ 聽朝:明早。
  9. ^ 阿嫲:祖母。
  10. ^ 邊:哪。
  11. ^ buk9:量詞,束,串。
  12. ^ 啖啖肉:形容果肉飽滿。
  13. ^ 細蚊公:小孩子(戲稱)。
  14. ^ 透火:生火。
  15. ^ 擔凳:搬椅子。
  16. ^ 坐埋一齊:坐在一起。
  17. ^ 凼凼(tam4 tam4→2)轉:團團轉。
  18. ^ 唔:不。
  19. ^ 1:nik7,拿。
  20. ^ 咗:了。
  21. ^ 佢:代詞,它、他或她。
  22. ^ 睇:看。
  23. ^ 有版本作:“‘凼凼’(tam4 tam4)轉,菊花園;炒米餅,糯米團;亞媽叫我睇龍船;我唔睇,睇雞仔;雞仔大,捉去賣;賣得幾多錢,賣得二百錢。”
  24. ^ 大頭綠衣:警察(當時警服為綠色)。
  25. ^ BB:bi1 bi1,哨子。
  26. ^ 這首童謠是昔日針對沙面租界警察而唱。[6]
  27. ^ soe4:動詞,滑。
  28. ^ 因住:小心。
  29. ^ 跌落嚟:掉下來。
  30. ^ 咪:別。
  31. ^ 成日:整天,經常。
  32. ^ 跌親:摔到,摔得。
  33. ^ 籮柚:屁股。
  34. ^ 仔:猴子。
  35. ^ 樣:這樣。
  36. ^ 冇:沒有。
  37. ^ 搣:撕。
  38. ^ 邊個:誰。
  39. ^ 縮骨:吝嗇。
  40. ^ :又作“”,大腿。
  41. ^ :提,拿。
  42. ^ 豆皮:痘疤。
  43. ^ 屙:拉,排泄。
  44. ^ 猜呈沉:玩剪刀石頭布。
  45. ^ 伏(buk9),躲。
  46. ^ 匿:文讀作nik1白讀作nei1,躲。
  47. ^ 伏匿匿:躲貓貓。
  48. ^ baang4:槍聲的摹音。
  49. ^ 估:猜。
  50. ^ 褲浪底:褲襠。
  51. ^ 窿:洞。
  52. ^ 響:在。
  53. ^ 若然:如果。
  54. ^ 籮柚:原指柚子,引申為臀部之意。
  55. ^ 大眼雞:魚名,也叫赤鰓松毬、厚殼仔、金鱗甲、鐵甲、鐵甲兵、瀾公妾、鐵線婆。
  56. ^ ngok7 ngok7脆:形容脆。
  57. ^ 轆:原指車輪,引申為動詞,滾動。
  58. ^ 畀:給。
  59. ^ 仙:cent的音譯,單位,一仙即一分錢。
  60. ^ 摣:拿。
  61. ^ 跛跛:一瘸一拐。
  62. ^ gyun1:鑽。
  63. ^ 頂硬上:硬著頭皮上。
  64. ^ ji1牙baang6哨就:齜牙咧嘴。
  65. ^ 劈友:砍人。
  66. ^ 啲:點。
  67. ^ :慢。
  68. ^ 鼻哥:鼻子。
  69. ^ 掟:扔。
  70. ^ 甩:掉。
  71. ^ 鬥:比。
  72. ^ :塊。
  73. ^ 花手巾:魚名,鬥魚,俗稱、龍魚、中國鬥魚、菩薩魚、天堂魚。
  74. ^ 千祈:千萬。
  75. ^ :蹲。
  76. ^ 黐:黏。
  77. ^ 塘mei1:蜻蜓。
  78. ^ 兩仔爺:兩父子。
  79. ^ 騎膊馬:指小孩子騎在別人的肩膀上取樂。
  80. ^ 豬乸:母豬。
  81. ^ caak8/caat8:吃。
  82. ^ 嘴miu2 miu2:翹起嘴來。
  83. ^ 撩:挑。
  84. ^ 鬼叫:誰叫。
  85. ^ :吸。
  86. ^ mei6水:在水下閉氣。
  87. ^ 契弟:兔崽子,臭小子。
  88. ^ haa1/hap7:欺負。
  89. ^ 亂saai3 lung4:亂套。
  90. ^ 系:是。
  91. ^ 鳩屎:了不起。鳩:粵語髒話,本字為「㞗」,指男性生殖器
  92. ^ 乞兒:乞丐
  93. ^ 嗰:那。
  94. ^ 五層樓:即鎮海樓,在觀音山(即越秀山)上。
  95. ^ 本童謠中“肥仔”二字可替換為任意人名。
  96. ^ 婦:音「抱」,本字為「婦」。

參考資料编辑

  1. ^ 呢啲童谣 你听过未?. 广州日报. 2012-02-02. (原始内容存档于2012-07-18) (中文(简体)‎). 
  2. ^ 久违嘅粤语童谣. 信息时报. 2012-08-22. (原始内容存档于2014-09-04) (yue). 
  3. ^ 幼儿园不闻广味童谣. 羊城晚报. 2009-04-17 (中文(简体)‎). 
  4. ^ 落雨大 水浸街 汽车水中塞成排. 广州日报. 2013-05-09. (原始内容存档于2013-05-09) (中文(简体)‎). 
  5. ^ 开幕式唱《落雨大》原是九岁广州妹. 南方都市报. 2010-11-14. (原始内容存档于2014-09-20) (中文(简体)‎). 
  6. ^ 广州方言汇集. www.xlmz.net. 2005-11-13 [2018-03-05] (yue). 
  7. ^ 來自《廣州兒歌甲集》第二十一篇

外部連結编辑