User:AINH/香港政治人物學歷爭議

香港,有啲議員或政治人物喺宣傳自己或者同公眾溝通嘅時候,都會提到自己嘅學歷。不過,當中就有人試過陷入爭議,甚至被指控擁有來自野雞大學嘅假學歷。

涉事政治人物列表编辑

人物 所屬政黨 / 陣營 有爭議之學歷 爭議所在
葛珮帆 親中派民建聯 格林威治大學 (諾福克島)哲學博士(管理)、工商管理碩士、工商管理學士 2007年傳媒報導,呢間大學只係未經評審嘅「文憑工廠」,學位未獲澳洲美國政府承認[1],整個課程費用唔使一萬美金[2]。被民主派質疑嘅時候,葛回應話「用9年時間好辛苦讀返嚟,係捱返嚟嘅」,但被問到見證佢博士學歷嘅論文嗰陣,佢就話無留底[3]
鄭琴淵 親中派民建聯 菲律賓太歷國立大學教育管理博士課程 鄭琴淵被揭發喺2012年5月經香港管理專業協會(HKMA)入讀菲律賓太歷國立大學(TSU)教育管理博士課程,翌年4月畢業,相比HKMA網頁所指嘅三年修讀期差別很大。另外,鄭琴淵報讀嘅教育博士課程,本來要讀16個學科,但TSU發出嘅課程紀錄就顯示她只讀了四科,其餘12科都係以學分轉移(credit transfer)方式豁免修讀。學者成名指,16科豁免12科,比例實在太高。而教育學院前講師,立法會議員葉建源也認為鄭嘅情況唔合理,因為管理教育機構嘅學科難以同社會科學拉上關係[4][5]

鄭接受記者就有關事情查詢嗰陣,佢就話記者喺度挖瘡疤[2],另外佢曾經主動入稟高院,承認選舉期間聲稱擁有嘅哲學博士學歷,係屬於虛假同誤導嘅資料,向法庭申請免責並確認當選有效[5]。但當時她向法庭宣稱「將獲頒發」嘅博士學歷、進展,同結果都「不知所終」[6]

柯創盛 親中派民建聯 諾丁漢特倫特大學 柯創盛對外聲稱有碩士學歷,但最初無申報自己喺邊間大學度讀,被記者問到就答唔出,仲話『遲啲補充畀你』[7]。之後,佢聲稱曾入讀英國大學(Nottingham Trent University)嘅工商管理碩士課程,但校方喺學生紀錄入面,就搵唔到柯創盛嘅名[1][8]
何君堯 獨立親中派 英國州瑪高等教育學院 何君堯曾經聲稱自己1984年喺英國州瑪高等教育學院(現為安格里亞魯斯金大學)攞到榮譽法律學士學位,但安格里亞魯斯金大學喺1992年才成立,英國州瑪高等教育學院之前只係專上學院,有網民質疑何當年所獲嘅唔係學士學位,只係專上教育文憑。何君堯回應事件嘅時候,就攻擊網民,話人鍾意算舊賬,有心理上嘅缺憾,只係識得諗屎橋,又叫啲人唔好嚟佢嘅學位邊度嚟,總之就唔係野雞[9]

外間反應编辑

對於親中派唔少人擁有具爭議嘅學歷,民主派有部分人士除咗會公開質疑,甚至會作出法律行動。例如,喺2016年香港立法會選舉,喺九龍東出選嘅民主黨胡志偉,亦曾經喺選舉論壇上質疑柯創盛[10]。有「長洲覆核王」之稱嘅郭卓堅,就曾經就葛珮帆同柯創盛嘅學歷入稟法院,指責佢哋誤導選民,要求取消佢哋嘅議員資格[11]

參考编辑

  1. ^ 1.0 1.1 黎梓緯. 【立法會學歷】容海恩更正法律博士 柯創盛葛珮帆學歷仍空白. 香港01. 2016-10-03 [2021-10-29] (中文(香港)). 
  2. ^ 2.0 2.1 新聞追擊民建聯「山卡罅」博士. 壹週刊. 
  3. ^ 民建聯「山卡罅」博士. hk.nextmgz.com. [2021-10-29]. 
  4. ^ 反佔中陳曼琪 一年讀畢博士鄭琴淵 擊敗傘兵連任. 立場新聞. 2015-11-23 [2020-08-09]. (原始内容存档于2019-08-19). 
  5. ^ 5.0 5.1 學位醜聞連環爆 港姐蔡思貝、區議員鄭琴淵 靠博士工廠極速畢. 蘋果日報 (香港). 2015-11-13 [2020-08-09]. (原始内容存档于2019-10-09). 
  6. ^ 民建聯區議員鄭琴淵學歷風波另有內情?消失的「嶺大博士學位」. 惟工新聞 | WKNews. 2015-12-07 [2021-10-29] (英语). 
  7. ^ 碩士學歷受質疑 民建聯柯創盛被問邊間大學畢業:遲啲補充畀你. 立場新聞 Stand News. [2021-10-29]. 
  8. ^ 【立會選舉】民建聯柯創盛報稱英國碩士學歷 大學指無同名學生紀錄. 明報 (中文(香港)). 
  9. ^ 立法會親北京候選人疑似謊報學歷被質疑. RFI - 法國國際廣播電台. 2016-08-27 [2021-10-29] (中文(繁體)). 
  10. ^ Facebook, [2021-10-29] (英语) 
  11. ^ 朱棨新. 指葛珮帆柯創盛何君堯虛報學歷及資格 郭卓堅求DQ三人被拒. 香港01. 2021-01-22 [2021-10-29] (中文(香港)). 

[[Category:香港]]