草稿:灯胆插座
灯胆插座，又叫做灯泡插座、灯胆座、灯泡座、灯座或者灯泡支架，系一种电气零件，呢种零件为电灯胆提供电气连接，亦都系电灯胆既机械支撑既装置[1]。灯胆同埋灯胆插座一定要互相兼容，如果唔系会用唔到或者有唔安全。同直接焊接比较，用咗插座之后，换灯胆会更容易，亦都更安全，普通人都可以好平、好方便咁换灯胆，唔需要揾电工将成盏灯换咗佢。灯座有好多唔同既标准，好多后嚟设备标准都符合通用编码系统，即系插座类型系由字母（通常系英文缩写）后面跟数字，有嚟区分唔同标准既灯座[2]。
电灯胆插座当中，最耳期，亦都系最常见既类型系爱迪生发明既“螺丝头”（Edison screw），最初喺欧洲大陆同埋北美流行，后尾全世界都用佢。后嚟既“钉头”（bayonet mounts）就喺除加拿大以外既英联邦国家流行。“钉头”亦都好多时用喺汽车行业既灯胆。光管（Fluorescent lamps）通常需要两组两针既“双针插座”，或者一组既四针插座（PL灯座）。
唔系所有灯胆都要用插座，例如，一啲微型灯胆自身有电线，可以直接连去接线座或者同其他电线接埋一齐；有啲反射灯，自身有接电既螺丝电极。
历史 编辑
早期既实验钨丝灯胆（incandescent lamps）系自身有电线，用既时候一定要将佢既电线连接到接线座嗰度，然后上紧螺丝，不过，呢种方法好唔方便，普通人唔识换呢种灯胆，所以唔适合商业用途。爱迪生最早喺商业轮船“蒸汽船哥伦比亚号”（SS Columbia）上面用带有内部铜条既简单木制容器做灯胆，呢艘船系第一艘用电灯胆既船。客舱既主照明系一盏波西米亚（Bohemian）水晶玻璃灯配上电灯胆[3]，其余既灯胆就装喺磨砂玻璃既灯罩里面。
爱迪生喺1880年发明咗一种螺头灯座，最初系用木头造既，后嚟改咗用巴黎石膏（Plaster of Paris）造 [4]。注：巴黎石膏系一种低温煅烧石膏，主要成分系天然石膏，经过低温煅烧变成白色粉末既半水石膏，系主要既建筑装饰材料，亦都系人造大理石既主要材料。喺钨丝灯胆照明时代既早期，出现咗好多颇有竞争力既灯具同埋插座设计，呢啲设计通常都同现有既设计唔兼容，而唔能够流行起嚟。
结构同埋材料 编辑
灯座既结构定义同埋限制咗佢既主要预设用途。绝缘材料方面，陶瓷绝缘体可以承受比电木（bakelite）或者其他塑胶高好多既工作温度。导电材料方面，灯座既电气部件同埋电线都要设计到，能够承载佢既预期电流再加上一定既安全系数。
喺设计插座既时候，需要考虑导电金属既接触表面积、金属厚度同埋导电率，仲有连接方法同埋最高工作温度。另外，仲需要考虑机械因素，例如灯座既形状、灯具既安装、灯体既支撑、换灯胆既便利程度同埋制造成本。普通家庭同埋工业用既灯座，会比特别用途既精密灯座多啲设计自由度同埋灵活性。
灯座必须距离灯丝够远，咁样低熔点既金属部件先至可以保持固态。历史上，呢啲低温金属系锡铅合金既焊锡，佢既熔点可能低至180°C（356 °F）。由于温度变化比较大，从环境温度到完全工作温度既温差可以好大，所以灯座既设计必须考虑热胀冷缩既问题。其实金属失去弹性既温度系远低过金属既熔点，呢个就系点解有时候啲旧灯座坏咗既时间，用螺丝批轻轻咁撬起灯座既金属接触弹簧片，个灯座可以用得返。
灯座既故障通常系因为机械疲劳或者系过热引起既，所以带有开关部件既灯座会比较容易坏。而绝缘故障通常系由撞击，或者换灯胆既时候，夹硬咁将夹硬咁将灯胆拆出嚟或者装返入去。喺室外或者潮湿既地方，灯座经常会受到湿气既腐蚀，可能会令到灯胆“黐”实咗喺灯座嗰度，咁样换电灯胆既时候就有可能会整烂咗个灯胆或者灯座。腐蚀唔止系环境引起既，亦都可能系金属部件之间接触不良，电阻变大，当电流流过既时候，金属部件就会发热。呢啲环境度，安装灯具既时候，就需要用垫圈或者其他防水既方法，去防止灯座里面积聚湿气。
爱迪生螺头 编辑
“螺头”既标准系用爱迪生螺丝（Edison screw）既英文里面既字母“E”开头，然后加上灯头直径（用毫米做单位），例如：E26就系26毫米（约1英寸）直径既“螺头”。
- E10 微型灯座（电筒灯胆）
- E11 迷你烛台灯座
- E12 烛台灯座
- E14 欧洲灯座
- E17 中间级灯座
- E26 标准灯座
- E26d 标准三路灯座
- E27 欧洲标准灯座
- E27d 欧洲三路灯座
- E39 大头灯座
- E39d 大头三路灯座
- E40 欧洲大头灯座
- PAR-38 射灯
标准后面有“d”后缀既，系三路灯，多咗个接触点，主要系 E26d或者E27d，亦都有E39d，不过好少用。多出嚟既接触点系接去灯胆里面既另一组功率较低既灯丝，可以喺唔需要咁光既时候悭电啲。
有种灯胆喺20世纪初开始，亦都好广泛咁用喺通用照明嗰度，佢既外形似梨，用“螺头”，通常俾人叫做“A型灯胆”。A型灯胆当中，A19系最常见既A19灯胆既直径（系成个灯胆既直径，唔系灯头既直径）系19⁄8英寸（60毫米），所以A19灯胆又叫做A60灯胆。常见既通用“A型灯胆”系“A19/E26”（英制），或者叫做“A60/E27”（公制）。
双柱 编辑
双柱底座既设计系，灯胆既方向系固定既，同埋钨丝会设计到喺焦点上面。 C13D（盘绕、锯齿形）之类既灯胆钨丝结构，令到发出既垂直既光远多于平行既光。
- 大头双柱（G38）灯座可以处理高达100安培既电流，可以用 1000瓦以上既大功率探照灯，用喺电影、舞台既照明嗰度。钨丝灯、卤素灯同埋水银灯都系用呢种设计。
- 中型双柱 (G22) 灯座适合250到1000瓦既电影同埋舞台照明用。
- 迷你双柱（G4到G6）好多时会用喺台灯、天花灯或者吊灯。
常见类型：
- G4：接脚间距系4毫米（0.15748 英寸）
- GU4同埋GZ4：同G4好似，只系要用既灯座安装夹唔同
- G5.3：接脚间距系5.3毫米（0.20866 英寸）
- GU5.3、GX5.3、GY5.3、GZ5.3：同G5.3好似，只系要用既灯座安装夹唔同
- G6.35：接脚间距系6.35毫米（1/4 英寸）
- GY6.35、GZ6.35：同G6.35好似，只系要用既灯座安装夹唔同
- G8：接脚间距系8毫米（0.31496 英寸）
- GU8：同G8好似，只系要用既灯座安装夹唔同
- GY8.6：接脚间距系8.6毫米（0.33858 英寸）
- G9：接脚间距系9毫米（0.35433 英寸）
- G12：接脚间距系12毫米（0.47244 英寸）
双针 编辑
双针灯座系指任何带有两个用嚟做电气接触既灯座[5]，典型既用途系：
- T12光管（最通用既1至4英尺光管）既头尾都系用中型双针灯座
- 迷你双针：用喺MR16卤素灯胆嗰度
两针灯座系双柱灯座设计既更新版，用咗比较细既金属针取代金属柱，目的系降低生产成本。 1千瓦既FEL中型双针卤素灯既出现，令到工程师可以设计更高效率、更细小既灯具，同传统钨丝灯胆比较，双针灯座既插孔更细，亦都可以好容易咁将灯胆插入椭圆形既灯光反射器入面。双针灯座既一种变异版本系极化双针灯座，佢主要系用喺投影机，佢令到灯胆可以精准咁定位，改善咗投影机既光学系统，令到“点光源”更加精确同埋集中。
双针设计既另一个设计系将无底座玻璃封装，接去灯丝既引线加厚咗同埋封压喺灯胆既玻璃外壳嗰度，MR16系呢种设计既好例子；实际设计系灯胆主体装喺反射罩里面，引线喺后面伸出嚟，黐喺陶瓷灯头上面。
钉头 编辑
- BA9s：9毫米（0.36英寸）微型钉头
- B15s：15毫米（0.59英寸）单触点钉头
- B15d：15毫米（0.59英寸）双触点钉头
- BA15d：15毫米（0.59英寸）索引双触点钉头
- B22d：22毫米（0.88英寸）双触点钉头，钉头（Bayonet Cap，英文缩写：BC）系英国同埋英联邦国家既家用照明标准。
- 预聚焦烛台钉头
- P28s：28毫米（1.12英寸）预对焦单触点钉头
- ：40毫米（1.6英寸）预对焦单触点大钉头
啤把 编辑
微型灯胆，例如圣诞灯珠，有玻璃或者塑胶制成既楔形底座，底座可以系灯珠玻璃外壳既延伸，灯体既引线喺底座嗰度折叠起嚟。有啲啤把形底座系塑胶造既，电线通常系插入灯珠既塑胶底座，然后引出嚟。有啲灯珠无塑胶底座，电线只系简单咁喺灯珠既玻璃底部向侧边弯曲。啤把灯座用弹簧既压力将灯珠直接固定喺插座里面。因为塑胶灯座既尖端通常比灯珠更窄，系啤把形既，咁样就可以确保灯座同灯珠可以紧密连接。
其他楔形灯座包括S14接头既条形灯，呢种灯有时叫做建筑灯。呢啲灯好多时会喺饰柜、镜柜或者镜既上面，不过依家呢啲灯已经俾LED灯取代咗。
光管 编辑
光管既尺寸系用1⁄8英寸做测量单位，例如T5光管既直径系1⁄8英寸既5倍，即系5⁄8英寸（0.625英寸或者15.875毫米）。
- T4 – 4/8 或0.500英寸（12.7 mm）直径
- T5 – 5/8 或0.625英寸（15.875 mm）直径
- T8 – 8/8 或1.00英寸（25.4 mm）直径
- T10 – 10/8 或1.25英寸（31.75 mm）直径
- T12 – 12/8 或1.5英寸（38.1 mm）直径
光管通常头尾两边都配有G13双针插头（T8、T10、T12）或G5双针插头（T4、T5）。注：悭电胆（一体式萤光灯）既插头唔同。
灯座款式 编辑
| 缩写 | 名称 |
|---|---|
| Cand | 烛台 |
| DCB | 双接点钉头烛台 |
| DC Pf | 双接点预聚焦烛台 |
| EMEP | 加长大头插脚套圈接点 |
| F | 套圈接点 |
| Mc | 迷你烛台灯胆 |
| Med | 中号 |
| Med Bp | 中号双柱 |
| Med Pf | 中号预对焦 |
| Med Skt | 中号 |
| Med 2P | 中号双针 |
| MEP | 中尾爪（PAR射灯用） |
| Mog | 大头 |
| Mog BP | 大头双柱 |
| Mog Pf | 大头预对焦 |
| MS | 微型螺头 |
| MSP | 中侧爪（PAR射灯用） |
| G38 Bp | G38大头双柱 |
| R7S | 双端卤素灯，主要系同118mm或者78mm既长形卤素射灯管一齐用。 |
| Rect RSC | 长方形凹入式单接点 |
| RM2P | 侧装双针 |
| RSC | 嵌入式单接点 |
| S | 金属套 |
| SC Bay | 单接点预对焦钉头 |
| SC Pf | 单接点预对焦 |
| SFc 10-4 | 螺纹套筒 |
| SFc 15, 5-6 | 螺纹套筒 |
| ST | 螺头 |
| TB2P | TruBeam双针 |
| Tf | Trufocus四针投影机灯胆 |
| TLMS | 微型Tru-Loc插头 |
| 2B | 双按钮 |
| 2PAG | 双针全玻璃 |
| 2PAGC | 双针玻璃身陶瓷盖 |
| 2PM | 双针微型 |
| 2PP | 双针预对焦 |
| 3P | 三爪 |
上面讲既有啲灯座依家已经过时，自从LED灯珠流行之后，灯座既设计变得更细更薄，减少原材既用量，减少浪费，令到换灯胆更容易。
技术标准 编辑
国际电工委员会 (IEC)
- IEC 60061-1，“灯头和灯座以及用于控制互换性和安全性的仪表 - 第 1 部分：灯头”[6]
- IEC 60061-2，“灯头和灯座以及用于控制互换性和安全性的仪表 - 第 2 部分：灯座”[6]
- IEC 60061-3，“灯头和灯座以及用于控制互换性和安全性的仪表 - 第 3 部分：仪表”[6]
- IEC 60061-4，“灯头和灯座以及用于控制互换性和安全性的仪表 - 第 4 部分：指南和一般信息”[6]
美国灯座标准系由全国电气制造商协会（NEMA）制定，然后由美国国家标准协会（ANSI）发布，大致上同IEC既相关标准一致[7]，包括：
- ANSI_IEC C78.81，美国电灯国家标准－双端萤光灯－尺寸与电气特性
- ANSI_IEC C81.61，美国国家电灯底座标准 - 电灯底座（灯头）规范
- ANSI_IEC C81.62，美国电灯座国家标准
- ANSI_IEC C81.63，美国国家电灯底座和灯座仪表标准
- ANSI C81.64，美国国家电灯座、灯座和仪表指南和一般资讯标准[8]
参考 编辑
- ^ Specifications and Drawings of Patents Relating to Electricity: Issued by the United States.... U.S. Government Printing Office. 1882: 755–.
- ^ The Advantages of Using LED Verlichting. The Difference of Connections. LED Spots & LED Inbouwspots. [16 August 2013]. （原始内容存档于16 August 2013）.
- ^ Delaware County Daily Times from Chester, Pennsylvania. Newspapers.com. 1880-02-24 [2023-12-21] （美国英语）.
- ^ Robert Friedel, Paul Israel, Edison's Electric Light: Biography of an Invention, Rutgers University Press, 1986, ISBN 0-8135-1118-6, pp. 169-171
- ^ GE照明產品目錄 GE Lighting Product Catalogue (PDF).
- ^ 6.0 6.1 6.2 6.3 IEC 60061 - Lamp caps and holders (PDF). International Electrotechnical Commission. 2020-11-30 [2021-03-22].
- ^ https://www.nema.org/docs/default-source/standards-document-library/ansi-c81-63-2019-contents-and-scope.pdf?sfvrsn=ad6b0c58_0
- ^ American National Standard for Guidelines and General Information for Electric Lamp Bases, Lampholders, and Gauges (PDF). www.nema.org. [2018-12-10].
| |||||||||||||||||||||||||||||||||||||||||||||||||
