用户:Richard923888/沙盒/古罗马货币
![](http://upload.wikimedia.org/wikipedia/commons/thumb/3/3b/Claudius_II_coin_%28colourised%29.png/200px-Claudius_II_coin_%28colourised%29.png)
古罗马货币系话由罗马共和国到罗马帝国嗰西半部分,即公元前4世纪-公元11世纪个段时间里头建立嗰金属货币体制。佢拢共有金质嗰奥娄斯、银质嗰德拿留斯、青铜质嗰色斯特州斯同得都潘州斯、黄铜质嗰阿斯个滴子货币。古罗马嗰货币到拕希腊影响嗰地区都系通行得正嗰,唛呷佢俚有自简嗰货币系统。
公元3世纪过后,德拿留斯拕安铎尼年努斯顶替,末后安铎尼年努斯自简也到货币改革里头拕银质嗰阿根透斯、青铜质嗰霍利斯顶替吥位置。个之后,罗马帝国嗰主要货币都系金质嗰所利都斯同得别滴子青铜质地嗰细零毫子。
罗马共和国
编辑初期
编辑公元前400年嗰时间,古罗马人废弃吥一径采用嗰物物交换嗰贸易形式,也冇接得使用古希腊嗰货币,而系建立起自简嗰一套货币系统。佢俚头先做出青铜砣子样嗰货币——早期阿斯,佢冇有特定嗰形状,冇有任何嗰官印、价值嗰标记。佢俚重几多就抵几多,个下寻到嗰早期阿斯嗰重量位到0.5到3公斤之间。末后到公元前280年前后,开始做出青铜饼样嗰重型阿斯。佢上头标嘚货币嗰价值,标准重量系324克,守城门神耶努斯(Janus)嗰双面相也拕刻嘚上头。一只阿斯嗰重量体现佢嗰价值,第一次步匿战争(Punic War,公元前264-241年)后,为到装备佢嗰军事部队,古罗马搦阿斯嗰重量减到290-280克左右。公元前225年前后嗰阿斯嗰后背哈拕刻嘚古罗马兵舰头嗰纪念图案。
第二次步匿战争(公元前264-241年),古罗马嗰军事开销脱大,故系佢搦阿斯熔烊来做成饼状,一只有20喇克。别嗰常用货币哈有抵得两只半阿斯嗰色斯特州斯、抵得两只阿斯嗰都潘州斯、抵得半只阿斯嗰杉美斯、抵得四分之一只阿斯嗰卡䋎斯。个滴子钱都系搦青铜做嗰。
后期
编辑古罗马嗰货币体制拕改革转型。公元前211年,银质货币德拿留斯拕投入使用,佢抵得10只530克嗰阿斯。一只德拿留斯重4.5克,𠵹就算得许时间嗰银、铜比价系1/120。
公元前170年前后,德拿留斯开始贬值,佢嗰重量拕减到3.96克。(个时间银、铜比价系1/70)
公元前2世纪嗰时间,色斯特州斯顶吥阿斯嗰地位,成为流通货币,许时间嗰支出、收入、财产都系搦色斯特州斯计算嗰。
公元前140年嗰时间,古罗马嗰货币比价系1只德拿留斯抵得16只阿斯,1只色斯特州斯抵得4只阿斯。
罗马帝国
编辑稳定时期
编辑屋大维大帝执政后,罗马帝国保持哩多过两只世纪嗰稳定时期。金质货币奥娄斯等凯撒大帝当位后就开始流通使用,佢抵得25只德拿留斯。
黄铜做嗰色斯特州斯抵得四分之一只德拿留斯,佢嗰直径系33毫米,系许时间嗰货币之王。
罗马帝国嗰皇帝欢喜搦自简嗰头像刻嘚货币上头。货币嗰正面系滴子神祗、头牲、建筑、属地嗰代表图案,背面系纪念罗马皇帝嗰生平功绩。一只皇帝能得有好几款不同嗰货币纪念图案,一滴子皇后、皇子有时间也得刻嘚钱币上头。
政乱时期
编辑公元2世纪嗰前后,罗马帝国发生政治纷争,𠵹帝国嗰货币也跟嘚贬值。Septimius Severus大帝当政嗰时间(公元193年-211年),德拿留斯嗰银含量由70%拕降到50%。公元215年左右,Caracalla大帝为到供养佢嗰兵士,就发行新款货币安铎尼年努斯,佢有一只半德拿留斯许重,含到50%嗰银。
新款嗰货币冇一刻时就拕滴子皇帝废吥喽,要不就系冇铸造几多,但皇帝紧系会发行新嗰货币,货币嗰也紧系变得不抵钱。公元3世纪嗰无政府时期,造币厂嗰数量拕增添蛮多,加上政治嗰不稳定,故系罗马帝国嗰货币体系摇摇欲落。货币老系贬值,里头含嗰珍贵金属也不断减少。
等公元258年,Valerian大帝执政嗰时间,安铎尼年努斯就盈20%嗰银含量喽,帝国嗰机构就开始到货币嗰外头镀银,觉得𠵹就得增加滴子佢俚嗰价值。Claudius Gothicus大帝嗰当政期间,安铎尼年努斯嗰银含量都冇到3%-4%,𠵹个款货币同得别嗰青铜货币都冇什哩差别喽,抵得八分之一只安铎尼年努斯嗰色斯特州斯几乎都冇铸造喽。公元271年,Aurelian大帝着手罗马帝国嗰货币改革,佢添加安铎尼年努斯嗰重,故系个只货币拕叫做Aurelianus。佢也一下发行过黄铜嗰阿斯同得色斯特州斯。
公元290年嗰前后,Diocletian大帝跟得改革货币制度,佢引进一款新嗰货币——霍利斯,佢系合金货币,要重过安铎尼年努斯。阿根透斯也同时间拕引入,佢名子嗰字面就系暗示嘚话银质货币嗰全新回归。末后Constantius Chlorus大帝哈发行金质嗰所利都斯,个也意味嘚奥娄斯拕正式顶替吥喽。
改革时期
编辑公元311年嗰前后,Constantius Chlorus大帝舞出金质嗰所利都斯,佢有4.5克个重,佢名子嗰字面就系保证嘚佢嗰币制稳定性,个系因为许时间罗马帝国到别嗰异教寺庙里头搦得大量嗰黄金储备。到大嗰环境下,几乎所有嗰货币都风快嗰变得不抵钱,冇发行几久嗰霍利斯都系一样嗰,𠵹所利都斯就变做帝国嗰安全信用货币,重要嗰交易都用嘚佢,像兵士嗰军饷、商业嗰税收、蛮邦嗰进宫等等。所利都斯嗰次等币值也一下拕制定,像抵得半只所利都斯嗰杉美斯,三分之一只所利都斯嗰展斯。
所利都斯嗰4.5克嗰规定重量由罗马帝国一径维持到拜占庭帝国。公元11世纪嗰时间,所利都斯开始贬值,佢保持嘚将近7只世纪嗰稳定币值。
货币比价
编辑Each row of the following table shows the value of the boldface coin in the first column in relation to the coins in the other columns.
Denarius | Sestertius | Dupondius | As | Semis | Triens | Quadrans | Quincunx | Uncia | |
---|---|---|---|---|---|---|---|---|---|
Denarius | 1 | 4 | 5 | 10 | 20 | 30 | 40 | 24 | 120 |
Sestertius | ¼ | 1 | 1¼ | 2½ | 5 | 7½ | 10 | 6 | 30 |
Dupondius | 1⁄5 | 4⁄5 | 1 | 2 | 4 | 6 | 8 | 44⁄5 | 24 |
As | 1⁄10 | 2⁄5 | ½ | 1 | 2 | 3 | 4 | 22⁄5 | 12 |
Semis | 1⁄20 | 1⁄5 | ¼ | ½ | 1 | 1½ | 2 | 11⁄5 | 6 |
Triens | 1⁄30 | 2⁄15 | 1⁄6 | 1⁄3 | 2⁄3 | 1 | 11⁄3 | 4⁄5 | 4 |
Quadrans | 1⁄40 | 1⁄10 | 1⁄8 | ¼ | ½ | ¾ | 1 | 3⁄5 | 3 |
Quincunx | 1⁄24 | 1⁄6 | 5⁄24 | 5⁄12 | 5⁄6 | 1¼ | 12⁄3 | 1 | 5 |
Uncia | 1⁄120 | 1⁄30 | 1⁄24 | 1⁄12 | 1⁄6 | ¼ | 1⁄3 | 1⁄5 | 1 |
Aureus | Quinarius Aureus | Denarius | Quinarius | Sestertius | Dupondius | As | Semis | Quadrans | |
---|---|---|---|---|---|---|---|---|---|
Aureus | 1 | 2 | 25 | 50 | 100 | 200 | 400 | 800 | 1600 |
Quinarius Aureus | ½ | 1 | 12½ | 25 | 50 | 100 | 200 | 400 | 800 |
Denarius | 1⁄25 | 2⁄25 | 1 | 2 | 4 | 8 | 16 | 32 | 64 |
Quinarius Argenteus | 1⁄50 | 1⁄25 | ½ | 1 | 2 | 4 | 8 | 16 | 32 |
Sestertius | 1⁄100 | 1⁄50 | ¼ | ½ | 1 | 2 | 4 | 8 | 16 |
Dupondius | 1⁄200 | 1⁄100 | 1⁄8 | ¼ | ½ | 1 | 2 | 4 | 8 |
As | 1⁄400 | 1⁄200 | 1⁄16 | 1⁄8 | ¼ | ½ | 1 | 2 | 4 |
Semis | 1⁄800 | 1⁄400 | 1⁄32 | 1⁄16 | 1⁄8 | ¼ | ½ | 1 | 2 |
Quadrans | 1⁄1600 | 1⁄800 | 1⁄64 | 1⁄32 | 1⁄16 | 1⁄8 | ¼ | ½ | 1 |
Solidus | Argenteus | Nummus | Radiate | Laureate | Denarius | |
---|---|---|---|---|---|---|
Solidus | 1 | 10 | 40 | 200 | 500 | 1000 |
Argenteus | 1⁄10 | 1 | 4 | 20 | 50 | 100 |
Nummus | 1⁄40 | ¼ | 1 | 5 | 121⁄2 | 25 |
Radiate | 1⁄200 | 1⁄20 | 1⁄5 | 1 | 21⁄2 | 5 |
Laureate | 1⁄500 | 1⁄50 | 2⁄25 | 2⁄5 | 1 | 2 |
Denarius | 1⁄1000 | 1⁄100 | 1⁄25 | 1⁄5 | ½ | 1 |
Solidus | Miliarense | Siliqua | Follis | Nummus | |
---|---|---|---|---|---|
Solidus | 1 | 12 | 24 | 180 | 7200 |
Miliarense | 1⁄12 | 1 | 2 | 15 | 600 |
Siliqua | 1⁄24 | 1⁄2 | 1 | 71⁄2 | 300 |
Follis | 1⁄180 | 1⁄15 | 2⁄15 | 1 | 40 |
Nummus | 1⁄7200 | 1⁄600 | 1⁄300 | 1⁄40 | 1 |
货币文化
编辑- 起先,古罗马嗰货币系到Juno Moneta神庙铸造嗰,今下西方语言里头嗰“钱”都系源自庙嗰名子Moneta,像英语嗰money、法语嗰monnaie。
- 阿拉伯国家嗰货币名子第纳尔(دينار)系德拿留斯嗰字源。
- 古罗马嗰货币嗰面值系搦罗马数字写嗰,佢俚同阿拉伯数字嗰对应系:
I | II | III | IV | V | VI | VII | VIII | IX | X | L | C | M |
---|---|---|---|---|---|---|---|---|---|---|---|---|
1 | 2 | 3 | 4 | 5 | 6 | 7 | 8 | 9 | 10 | 50 | 100 | 1000 |
- 古罗马嗰货币嗰表面嗰字母缩写嗰意思系:
缩写 | AVG | AVGG | CAES | COS | D | F | FIL | IMP | PM | PP | SC | TRP |
---|---|---|---|---|---|---|---|---|---|---|---|---|
正写 | AVGVSTVS / AVGVSTA | AVGVSTORVM | CAESAR | CONSVL | DIVVS / DIVA | FILIVS | FILIA | IMPERATOR | PONTIFEX MAXIMVS | PATER PATRIAE | SENATVS CONSVLTO | TRIBVNICIA POTESTATE |
译文 | 皇、后 | 皇帝 | 皇 | 执政官 | 神 | 崽 | 女 | 大胜 | 大神祗官 | 国父 | 议院之令 | 宗族之力,逐年换新 |